آخر الأخبار


Saturday, December 8, 2007

نكته تبكي

اعلن السيد الفاضل الوزير عثمان محمد عثمان وزير التنمية الاقتصادية
ان الشخص الذي ينفق 1.5 جنية يوميا علي اكله و ملابسه هو انسان لا يعتبر ضمن الفقراء


تصدقوا ان خالد ابني اللي يدوب عمره 10 سنوات و كام شهر يرفض رفضا باتا ان يكون مصروفه جنيه و نص


ثم انا عايز اسأل السيد الوزير الفاضل


تقدر سيادتك تعيش بمبلغ 30 في اليوم

مش هاقول طبعا زي ما هو قال 1.5 جنيه


ياريت يقدر يجاوب
انتهت النكته
.
.
.
عايز اسمع ضحككم

15 comments:

Ahmed Al-Sabbagh said...

هههههههه
هههههههه

سمعت يا سيدى

بص

الوزير ده مسرف اوى

انا شخصيا بعيش بخمسة وسبعين قرش

وبيفيضو كمان

وبتبرع لسداد ديون مصر

ههههه

انتهت النكتة

تحياتى

سلوى said...

يااااااه 30 جنيه مرة واحده

ده اصراف

بكل المقاييس

نتكلم جد
فعلا شر البليه ما يضحك

والله المستعان

عصفور المدينة said...

حمدا لله على سلامتك أخي
أنا حاسمعك ضحكتي

عاااااااااااا

mohand said...

السلام عليكم

مش هضحك طبعا

لانه ببساطه عقلة اهبل

45 جنية في الشهر
ليه
دا تمن كارت شحن عيل في ثانوي

ووبعدين هو هيجيب يهم ايه ولا ايه ال1.5
دا كتير قوي عليه حتي

Anonymous said...

هوه الوزير دة من ايام الجنية الجبس باين :D

ايام الجينية كان بيساوي جنية دهب

او هوه من اهل الكهف

مفيش تفسير آخر

بس صحيح صحيح : هما الجنية و نص دول مصروف لية لوحدو ولا يصرف علي العيال كمان

لو لوحدو يبقي بزخ و ترف و اسراف

لا إله إلا الله
مش عارفة ناويين يعملوا اية فينا بعد كدة
ربنا يستر


اه صحيح
نسيت اضحك

LOOOL <<<<<<<<

Anonymous said...

بجد و الله؟
هوا الإنسان مثلاً المفروض إنه ياكل و يشرب بس

أنا حاسس إن الوزير مسمعش عن التعليم مثلاً أو عن اللبس و أو الحاجات الغريبة دي اللي اسمها بيوت و لا الحاجات اللي طالعة جديد اللي اسمها كهربا و ميه و لا دي بيعتبروها حالياً من الكماليات؟

انتا فاكر انتا قلتلي إية؟
أيون ، بالظبط

كبر دماغك تستريح
ريحتني الله يريحك

مروة الزارع said...

حرااااااااااااااااام
دة سندوتش الفول يا جدعان بقى بجنية

الواحد بيفك ال 100 جنية بتطير كأنها سبرتو

دى أكبر نكتة سمعتها

الله يسامحة


مدونة هايلة اتمنى تزورنى

هستناك

أمــانــى said...

لا بقى انا مش هأضحك انا هابكى واسمع الجيران
عايزين يلغوا الدعم وقال الناس كلهم معاهم موبايلات واحد تانى يقول 1.50 طب سؤال هو الجينه ونصف يجيب كام رغيف بعد الدعم حســــــــبنا الله ونعم الوكيل

أمــانــى said...

كـل سنة وحضرتك طيب وبالف خير وعافية يارب آمـــــين واعاده الله علينا وعلى الامة الاسلامية بالخير واليمن والبركات

نسرين - أمة الله said...

كل سنه وانت طيب وربنا يجعله خير على المسلمين اجمع

عاشقة الوطن said...

السلام عليكم

ايه النكت الخطيرة اللى السيد الوزير بيقولها ديه
سبحان الله هو طلع دمه خفيف واحنا مش واخدين بالنا ولاحاجة

حسبي الله ونعم الوكيل

mraghy said...

احمد الصباغ
اشكرك لمرورك علي المدونة
و صدقت ان الوزير ده مسرف جدا
ياريت يجي لينا و احنا نعلمه يعيش من غير اي فلوس
********
سلوى
ربنا يعين الشعب ده علي وزرائه
********
استاذي الفاضل / عصفور المدينة
ضحكتك هي اللي مستنيها
و فعلا ضحكة تقطع القلب
و انا باشارك حضرتك
عاااااااااااااااااا

mraghy said...

الغالي / مهند
الظاهر يا غالي ان السيد الفاضل الوزير عايش في بلد غير بلدنا
او بيتكلم عن شعب غير شعبنا
الله المستعان
***********
swing
ممكن اسأل بس حضرتك سؤال مهم
هو يعني ايه جنيه
:D
الجنيه اصلا عمله في طريقها للانقراض
**********
محمد فوزي
يا سيدي اهو الراجل كان مزنوق في كلمتين و قالهم
احنا اللي شعب مش بيعجبنا العجب
ربنا يستر

mraghy said...

مروة الزارع

اشكرك لزيارتك
و ان شاء الله هازور مدونتك اكيد
*********
اماني
حمدا لله علي السلامه يا استاذه
حضرتك غبتي كتير بسبب الجهاز
نورتي المدونة
و مش فاهم انتي هاتبكي ليه
ده الراجل بيدينا امل اننا نقدر نعيش
علي اعتبار يعني اننا من الهنود الحمر و هانصدقه
اضحكي زيي و زي الاستاذ عصفور
عاااااااااااااااااااااااا
و كل سنه و حضرتك بالف خير
*************
نسرين / امة الله
كل عام و انتي بالف صحه و سعاده
************
عاشقة الوطن
اسكتي
مش اكتشفنا ان السيد الوزير كان في الاصل منولوجست و بيجيد القاء النكت
حسبي الله و نعم الوكيل

Anonymous said...

hvfاحنا بنكذب ليه
ولا بنكذب على مين
رغيف العيش بقى بحنيه
يا وزيرنا يا راجل ورزين
طعميياية بربع جنيه
ورغيفها حنجيبه منين
طيب راح اصدق ايه
خايف اقولك احلفلى
تحلف لى والحلف يمين